**होलार समाज सामाजिक संस्था, महाराष्ट्र राज्य, पुणे** *(ISO 9001 : 2015 आंतरराष्ट्रीय गुणवत्ता व्यवस्थापन प्रणाली मानांकन प्राप्त संस्था)* **संस्थापक अध्यक्ष मा. श्री. नामदेवराव श्रीरंग आयवळे** व संस्थेच्या शिष्टमंडळाने सातत्याने केलेल्या प्रभावी पाठपुराव्यामुळे तसेच **बार्टी, पुणेचे महासंचालक मा. श्री. सुनील वारे सर यांच्या मान्यतेने** **नागपूर विभागासाठी विभागीय कार्यशाळेस मान्यता मिळालेली आहे**, ही संपूर्ण होलार समाजासाठी अत्यंत अभिमानाची व ऐतिहासिक बाब आहे. 🙏 नागपूर विभागातील होलार समाजाला येणाऱ्या विविध अडचणी लक्षात घेऊन **दि. 24 फेब्रुवारी 2026 रोजी**, सकाळी **10.00 ते सायंकाळी 5.30** या वेळेत **पंचायत समिती सभागृह, वरोरा** येथे **बार्टी, पुणे** मार्फत **होलार समाजासाठी एक दिवसीय विभागीय कार्यशाळा** आयोजित करण्यात आली आहे. या कार्यशाळेमध्ये उपस्थित प्रशिक्षणार्थींना — ▪️ महसूल विभागामार्फत **जात प्रमाणपत्र मिळविण्याची प्रक्रिया व येणाऱ्या अडचणी** ▪️ **जात वैधता पडताळणी प्रमाणपत्र** प्रक्रियेचे सविस्तर मार्गदर्शन ▪️ **समाज कल्याण विभागाच्या विविध योजना** ▪️ **स्वयं-सहायता गट व युवक गट** या विषयांवर संबंधित विविध विभागांचे अधिकारी उपस्थित राहून मार्गदर्शन करणार आहेत. तरी **नागपूर विभागातील सर्व जिल्हे व तालुक्यांतील** समाज बांधव, प्रतिनिधी, कार्यकर्ते तसेच होलार समाजाच्या इतर सर्व संघटनांचे पदाधिकारी व सदस्य यांनी **वेळेत उपस्थित राहून सहकार्य करावे**, असे आवाहन करण्यात येत आहे. श्री. बबनराव करडे माजी नायब तहसीलदार संस्थेचे मुख्य सल्लागार अँड. जी. एन.ऐवळे कायदे तज्ञ संस्थेचे सल्लागार. श्री. अर्जुन खांडेकर सचिव. श्री. जगन्नाथ पारसे खजिनदार. **नागपूर, वर्धा, भंडारा, गोंदिया, चंद्रपूर, गडचिरोली** या सर्व जिल्ह्यांतील व त्याअंतर्गत येणाऱ्या सर्व तालुक्यांतील समाज बांधवांनी मोठ्या संख्येने उपस्थित राहून ही कार्यशाळा यशस्वी करावी. ✨ *ही कार्यशाळा मिळवून देण्यासाठी मा. संस्थापक अध्यक्ष श्री. नामदेवराव श्रीरंग आयवळे यांची दूरदृष्टी, ठाम भूमिका व सातत्यपूर्ण प्रयत्न अत्यंत मोलाचे ठरले आहेत.* ✨ तसेच, या विभागीय कार्यशाळेस मान्यता दिल्याबद्दल **बार्टी, पुणेचे महासंचालक मा. श्री. सुनील वारे सर यांचे होलार समाज सामाजिक संस्था व संपूर्ण समाज बांधवांच्या वतीने मनःपूर्वक अभिनंदन व आभार.** 💐 **एकजूट, जागरूकता आणि संघटित प्रयत्नातूनच समाजाचा सर्वांगीण विकास शक्य आहे.**
Popular Posts
-
-
होलार समाजाच्या सामाजिक, आर्थिक आणि शैक्षणिक प्रगतीसाठी सातत्याने कार्यरत असलेली होलार समाज सामाजिक संस्था, महाराष्ट्र राज्य, ही ISO 9001:2015 आंतरराष्ट्रीय गुणवत्ता व्यवस्थापन प्रणाली मानांकन प्राप्त संस्था असून समाजासाठी आशेचा किरण ठरत आहे. श्री.बबनराव करडे मा. नायब तहसीलदार सातारा तथा संस्थेचे सल्लागार यांच्या सल्ल्याने. अँड.जि.एन.ऐवळे संस्थेचे कायदेतज्ञ सल्लागार यांच्या सहकार्याने. समाजाच्या न्याय-हक्कांसाठी शासन व प्रशासन दरबारी सातत्याने पाठपुरावा करणे, समाजाच्या अडचणी ओळखून वास्तववादी उपक्रम राबवणे, हे या संस्थेचे वैशिष्ट्य असून त्यामुळेच ही संस्था समाजात एकमेव दिशादर्शक म्हणून ओळखली जाते. संस्थेचे संस्थापक अध्यक्ष श्री. नामदेवराव श्रीरंग आयवळे यांनी होलार समाजातील विविध प्रश्नांचे निराकरण करण्यासाठी अथक प्रयत्न केले आहेत. त्यांच्या सातत्यपूर्ण पाठपुराव्यामुळे समाजातील हजारो युवकांना विविध शासकीय योजनांच्या अनुदानित प्रशिक्षणांचा आणि सुविधा योजनांचा मोठ्या प्रमाणात लाभ मिळत असून अनेक कुटुंबांच्या जीवनमानात सकारात्मक बदल घडला आहे. शाहू, फुले, डॉ. बाबासाहेब आंबेडकर तसेच छत्रपती शिवाजी महाराज यांच्या कृतिशील विचारांचा वारसा माझ्या कार्याचा आधार आहे. हा वारसाच मला समाजासाठी काम करण्याची ऊर्जा देतो. लोकांच्या दैनंदिन आयुष्यातील प्रश्न हे माझ्या कामाचे सदैव केंद्रबिंदू राहिले आहेत. समाजातील युवकांना रोजगार उपलब्ध करून देणे, महिलांचे सबलीकरण, जनतेपर्यंत शासकीय सुविधा पोहोचवणे, विकासकामांचा पाठपुरावा करणे, महिलांसाठी बचत गट व व्यवसाय प्रशिक्षण, जात प्रमाणपत्र व जातीवैधता प्रमाणपत्राबाबत मदत, तसेच चुकीच्या नोंदींमुळे येणाऱ्या अडचणी दूर करण्यासाठी मार्गदर्शन — अशा अनेक क्षेत्रांत संस्था सातत्याने कार्यरत आहे. तसेच समाजातील युवक-युवतींना कौशल्यविकास प्रशिक्षण देऊन उद्योग व लघुउद्योग सुरू करण्यास प्रोत्साहन देणे हेही संस्थेचे एक महत्त्वाचे ध्येय आहे. आपल्या सर्वांच्या सहकार्याने हे कार्य करण्याची मला एक संधी मिळत आहे त्याबद्दल सर्वांचे धन्यवाद.
-
