होलार समाज सामाजिक संस्था, महाराष्ट्र राज्य, पुणे ISO 9001:2015 आंतरराष्ट्रीय गुणवत्ता व्यवस्थापन प्रणाली मानांकन प्राप्त संस्था संस्थापक अध्यक्ष: मा. श्री. नामदेवराव श्रीरंग आयवळे यांच्या अध्यक्षतेखाली दिनांक: 28 ऑक्टोबर 2025 स्थळ: नवी पेठ, पुणे - पत्रकार परिषद प्रेस नोट / पत्रकार परिषद निवेदन होलार समाजाच्या विविध मागण्याकडे राज्य शासनाचे दुर्लक्ष मागील 70 वर्षांपासून वंचित व अन्यायग्रस्त स्थितीबाबत. अनुसूचित जातीमध्ये असूनही होलार समाजाला आजतागायत त्याचे घटनात्मक, सामाजिक व आर्थिक हक्क मिळालेले नाहीत. याबाबत सरकारने अद्याप ठोस पावले उचललेली नाहीत, ही अत्यंत दुःखद व संतापजनक बाब आहे. आम्ही, होलार समाज सामाजिक संस्था, महाराष्ट्र राज्य, 28 ऑक्टोबर 2025 रोजी पुण्यातील नवी पेठ येथे पत्रकार परिषद घेऊन, आपली मागणी सार्वजनिकपणे मांडत आहोत. तथा होलार समाज सामाजिक संस्था IS0 9001: 2015 आंतरराष्ट्रीय प्रामाणित संस्था या मानांकन प्राप्तीचा गौरव सोहळा. होलार समाजाच्या प्रलंबित मागण्यांवर तातडीने निर्णय घ्यावा. समाजाच्या सांस्कृतिक व ऐतिहासिक योगदानाची योग्य नोंद व सन्मान करण्यात यावा. आमची विनंती आहे मा.ना. श्री. देवेंद्र फडणवीस, मुख्यमंत्री साहेब महाराष्ट्र राज्य यांनी या बाबीकडे स्वतः लक्ष घालावे व समाजाच्या न्याय्य मागण्या त्वरित मान्य कराव्यात. अन्यथा: जर आमच्या मागण्यांकडे दुर्लक्ष झाले, तर होलार समाज रस्त्यावर उतरेल. आम्ही संपूर्ण महाराष्ट्रभर तीव्र आंदोलन आणि अन्नत्याग उपोषण सुरू करू. या आंदोलनाची सुरुवात पुण्यातून केली जाईल आणि पुढील तारीख पत्रकार परिषदेमध्ये जाहीर केली जाणार आहे सरकारने या मागण्यांकडे गांभीर्याने लक्ष द्यावे, ही नम्र विनंती आहे. अन्यथा उद्रेक अनिवार्य आहे. सर्व समाज बांधवांना एकत्र करून न्याय सन्मान व हक्कासाठी आवाज उठवणार आहोत. आपली उपस्थिती आम्हाला नवी ऊर्जा देईल आणि समाजासाठी एक सकारात्मक संदेश जाईल. असे आव्हान श्री. बबनराव करडे मा.नायब तहसीलदार सातारा तथा संस्थेचे सल्लागार. अँड. जी .एन .ऐवळे कायदे तज्ञ तथा संस्थेचे सल्लागार. श्री. अर्जुन खांडेकर सचिव. श्री. जगन्नाथ पारसे खजिनदार यांनी केले आहे याची समाज बांधवांनी नोंद घ्यावी.