दिनांक 18 .2. 2022 पासून संस्थेच्या वतीने गरीब गरजू हुशार विद्यार्थी दत्तक योजना लोकसहभागातून राबवित आहोत. महाराष्ट्र लोकसेवा आयोग राज्यसेवा स्पर्धा परीक्षेची तयारी करणाऱ्या विद्यार्थ्यांची राहण्याची जेवणाची मोफत सोय पुणे येथे करण्यात आली आहे. स्पर्धा परीक्षेची तयारी करणाऱ्या विद्यार्थ्यांना वेळोवेळी शिबिर व मार्गदर्शन केले जाते ते पण तज्ञांकडून स्पर्धा परीक्षेस सक्षमपणे व आत्मविश्वास पूर्वक सामोरे जावे व त्यांचा सामाजिक शैक्षणिक आणि आर्थिक विकास व्हावा या दृष्टीने संस्थेचे प्रामाणिकपणे प्रयत्न चालू आहेत. संस्थेच्या वतीने पुणे येथे गरीब गरजू विद्यार्थ्यांसाठी इयत्ता आठवी पासून ते बारावी पर्यंतचे मराठी आणि इंग्लिश मिडीयमचे क्लासेस मोफत सुरू करण्यात आले आहेत. संस्थेच्या वतीने महिला बचत गटांसाठी विविध उपक्रम आयोजित करण्यात आले तसेच शिल्प तयार करणे एलईडी बल टुबलाईट डेकोरेशन लाईट इत्यादी उपक्रम सुरू करण्यात आले आहेत.