होलार समाज सामाजिक संस्था, महाराष्ट्र राज्य (ISO 9001:2015) शाखा स्थापन करण्याबाबत सूचना होलार समाजाच्या सामाजिक, आर्थिक व शैक्षणिक प्रगतीसाठी तसेच समाजाच्या हक्कांसाठी सातत्याने कार्यरत असणारी होलार समाज सामाजिक संस्था, महाराष्ट्र राज्य ही संस्था महाराष्ट्रातील विविध भागांत शाखा विस्तार करण्यास उत्सुक आहे. महाराष्ट्रभरातून शाखा स्थापन करण्यासाठी मागण्या प्राप्त होत आहेत. शाखा स्थापन करण्याची प्रक्रिया १. अर्ज व शुल्क संस्थेचे उद्देश, ध्येय व घटना मान्य असलेल्या इच्छुकांनी ₹2000/- भरून लेखी प्रस्ताव कार्यकारी मंडळाकडे सादर करावा. शाखा सलंग्न (Affiliated) म्हणून कायम ठेवण्यासाठी दरवर्षी एप्रिल महिन्यात ₹1000/- संस्थेकडे भरावे. २. मंजुरी प्रस्तावाची छाननी करून कार्यकारी मंडळ मंजुरी देईल. मंजूर झाल्यानंतर संबंधित शाखेस मुख्य शाखेकडून अधिकृत "आश्वासनपत्र / संलग्नता प्रमाणपत्र" दिले जाईल. ३. शाखेची कामकाज जबाबदारी संलग्न शाखेने आपल्या कार्याचे वार्षिक त्रोटक कार्यवृत्त संस्थेकडे पाठवणे बंधनकारक आहे. शाखेच्या आर्थिक व्यवहारास संस्था जबाबदार राहणार नाही. ४. सभासद संख्या व क्षेत्रनियोजन ज्या विभागात शाखा सुरू करायची आहे तेथे किमान 25 सभासद नोंदणी करणे आवश्यक. शक्यतो एक विभागात एकच शाखा ठेवण्याचे धोरण. पुढील विस्तारासाठी (उदा. जिल्हा शाखा) अंतिम निर्णय कार्यकारी मंडळ घेईल. महत्त्वाची नोंद वार्षिक शुल्क न भरल्यास शाखा रद्द करण्याचा अधिकार कार्यकारी मंडळाला असेल. सर्व शाखांनी संस्थेच्या नियमावलीनुसार व शिस्तीने कार्य करणे बंधनकारक आहे.