अभिनंदन व स्वागत होलार समाज सामाजिक संस्था, महाराष्ट्र राज्य, पुणे — ISO 9001:2015 आंतरराष्ट्रीय गुणवत्ता व्यवस्थापन प्रणाली प्रमाणित संस्था (नोंदणीकृ संस्थेच्या वतीने नुकत्याच समाज कल्याण आयुक्त म्हणून नियुक्त झालेल्या मा. दीपा मुधोळ मुंडे यांचे मन:पूर्वक स्वागत व अभिनंदन करण्यात आले. संस्थेचे संस्थापक अध्यक्ष मा. श्री. नामदेवराव आयवळे आणि सचिव/सदस्य यांच्या शिष्टमंडळाने त्यांना फुलांचे बुके देत मुख्य कार्यालय, पुणे येथे सन्मानित केले. मा. दीपा मुंडे यांचे नेतृत्व प्रशासनात पारदर्शकता, कार्यक्षमतेचा आग्रह, आणि समाजाभिमुख दृष्टिकोन यासाठी ओळखले जाते. त्यांनी यापूर्वी पुणे महानगर परिवहन महामंडळ (पीएमपीएमएल) चे अध्यक्ष व व्यवस्थापकीय संचालक या पदावर कार्यरत राहून, केवळ एका वर्षाच्या कालावधीत उल्लेखनीय कामगिरी केली. त्यांच्या कार्यकाळात: प्रवाशांना अधिक चांगल्या सुविधा मिळाव्यात यासाठी रस्त्यावर उतरून थेट काम केले, कामचुकार कर्मचाऱ्यांवर कठोर कारवाई (सुमारे १५०० कर्मचाऱ्यांवर), अपहार करणाऱ्या वाहकांवर तात्काळ कारवाई, ब्रेकडाऊन बस संदर्भात नियमित तपासणी व कारवाई, पी.एम.पी.चे संचालनतूट कमी करण्यासाठी प्रवासी व फेऱ्यांचे सुयोग्य नियोजन, उत्पादनात वाढ करून ३ कोटी रुपयांचे लक्ष्य गाठले गेले. या सर्व कार्यांची परिणती म्हणून पीएमपीएमएलच्या कारभारात लक्षणीय सुधारणा झाली होती. आता समाज कल्याण आयुक्त या नव्या पदावर त्यांची बदली झालेली असली तरी, त्यांच्या कार्यक्षमता, नेतृत्वगुण व सकारात्मक दृष्टिकोनामुळे समाज कल्याण विभागातही निश्चितच नवसंजीवनी मिळेल, अशी आम्हाला खात्री आहे. होलार समाज सामाजिक संस्था, पुणे यांच्यावतीने त्यांना पुढील वाटचालीसाठी मन:पूर्वक शुभेच्छा व अभिनंदन!
Popular Posts
-
-
होलार समाजाच्या सामाजिक, आर्थिक आणि शैक्षणिक प्रगतीसाठी सातत्याने कार्यरत असलेली होलार समाज सामाजिक संस्था, महाराष्ट्र राज्य, ही ISO 9001:2015 आंतरराष्ट्रीय गुणवत्ता व्यवस्थापन प्रणाली मानांकन प्राप्त संस्था असून समाजासाठी आशेचा किरण ठरत आहे. श्री.बबनराव करडे मा. नायब तहसीलदार सातारा तथा संस्थेचे सल्लागार यांच्या सल्ल्याने. अँड.जि.एन.ऐवळे संस्थेचे कायदेतज्ञ सल्लागार यांच्या सहकार्याने. समाजाच्या न्याय-हक्कांसाठी शासन व प्रशासन दरबारी सातत्याने पाठपुरावा करणे, समाजाच्या अडचणी ओळखून वास्तववादी उपक्रम राबवणे, हे या संस्थेचे वैशिष्ट्य असून त्यामुळेच ही संस्था समाजात एकमेव दिशादर्शक म्हणून ओळखली जाते. संस्थेचे संस्थापक अध्यक्ष श्री. नामदेवराव श्रीरंग आयवळे यांनी होलार समाजातील विविध प्रश्नांचे निराकरण करण्यासाठी अथक प्रयत्न केले आहेत. त्यांच्या सातत्यपूर्ण पाठपुराव्यामुळे समाजातील हजारो युवकांना विविध शासकीय योजनांच्या अनुदानित प्रशिक्षणांचा आणि सुविधा योजनांचा मोठ्या प्रमाणात लाभ मिळत असून अनेक कुटुंबांच्या जीवनमानात सकारात्मक बदल घडला आहे. शाहू, फुले, डॉ. बाबासाहेब आंबेडकर तसेच छत्रपती शिवाजी महाराज यांच्या कृतिशील विचारांचा वारसा माझ्या कार्याचा आधार आहे. हा वारसाच मला समाजासाठी काम करण्याची ऊर्जा देतो. लोकांच्या दैनंदिन आयुष्यातील प्रश्न हे माझ्या कामाचे सदैव केंद्रबिंदू राहिले आहेत. समाजातील युवकांना रोजगार उपलब्ध करून देणे, महिलांचे सबलीकरण, जनतेपर्यंत शासकीय सुविधा पोहोचवणे, विकासकामांचा पाठपुरावा करणे, महिलांसाठी बचत गट व व्यवसाय प्रशिक्षण, जात प्रमाणपत्र व जातीवैधता प्रमाणपत्राबाबत मदत, तसेच चुकीच्या नोंदींमुळे येणाऱ्या अडचणी दूर करण्यासाठी मार्गदर्शन — अशा अनेक क्षेत्रांत संस्था सातत्याने कार्यरत आहे. तसेच समाजातील युवक-युवतींना कौशल्यविकास प्रशिक्षण देऊन उद्योग व लघुउद्योग सुरू करण्यास प्रोत्साहन देणे हेही संस्थेचे एक महत्त्वाचे ध्येय आहे. आपल्या सर्वांच्या सहकार्याने हे कार्य करण्याची मला एक संधी मिळत आहे त्याबद्दल सर्वांचे धन्यवाद.
-
