होलार समाज सामाजिक संस्था, महाराष्ट्र राज्य, पुणे – ISO 9001:2015 प्रमाणित संस्था मार्फत बार्टी पुणे येथे मान्यवरांचे स्वागत व अभिनंदन दि. 22 जुलै 2025 रोजी होलार समाज सामाजिक संस्था, पुणे यांच्या वतीने मा. सुनील वारे साहेब, महासंचालक, डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांचे हार्दिक स्वागत व मन:पूर्वक अभिनंदन करण्यात आले. या स्वागत समारंभासाठी संस्थेचे संस्थापक अध्यक्ष मा. श्री. नामदेवराव आयवळे, तसेच शिष्टमंडळातील बबन ऐवळे, शोभा मॅडम, सिताराम ऐवळे उपस्थित होते. यावेळी मा. वारे साहेब यांना फुलांचे बुके देऊन सन्मानित करण्यात आले. या अनुषंगाने दिनांक 10 जून 2025 रोजी छत्रपती संभाजीनगर विभागातील होलार समाजाच्या अडचणी संदर्भात बार्टी पुणे मार्फत एक दिवसीय विभागीय कार्यशाळा आयोजित करण्यात आली होती. ही कार्यशाळा अत्यंत नियोजनबद्ध पद्धतीने पार पडली. कार्यशाळेमध्ये सहभागी प्रशिक्षणार्थ्यांना महसूल विभागामार्फत जात प्रमाणपत्र मिळविण्याची प्रक्रिया, जात वैधता पडताळणी प्रमाणपत्रासाठीचे मार्गदर्शन, तसेच समाजकल्याण विभागाच्या विविध योजना, स्वयं सहाय्यता गट आणि युवागट विकास यावरील सविस्तर माहिती देण्यात आली. या कार्यशाळेसाठी संबंधित विविध विभागांचे अधिकारी आमंत्रित करण्यात आले होते. त्यांनी अतिशय उत्कृष्ट मार्गदर्शन करून उपस्थित समाजबांधवांना या मार्गदर्शनाचा मोठ्या प्रमाणावर लाभ होऊ दिला.