होलार समाज सामाजिक संस्था, महाराष्ट्र राज्य, पुणे आय.एस.ओ.9001-2015 प्रामाणित संस्था संस्थापक अध्यक्ष नामदेवराव श्रीरंग आयवळे सातत्याने पाठपुरावा जात पडताळणी प्रमाणपत्र लवकरच मिळणार ऑनलाइन होलार समाज सामाजिक संस्थेच्या प्रस्तावाला बार्टी, पुणे व राज्य सरकारची मान्यता जात वैधता प्रमाणपत्र हे लवकरच एका लिंकवर ऑनलाइन उपलब्ध होणार आहे त्यासाठी डॉ. बाबासाहेब आंबेडकर संशोधन व प्रशिक्षण (संस्था), पुणे आणि टीसीएसच्या वतीने ही ऑनलाइन प्रणाली विकसित करण्यात येणार आहे. त्याबाबतच्या प्रस्तावाला राज्य सरकारने मान्यता दिली आहे. या प्रमाणपत्रात समाविष्ट केलेल्या छायाचित्रामुळे गैरप्रकारांनाही आळा बसणार आहे. राज्यातील अनुसूचित जाती, अनुसूचित जमाती, विमुक्त जाती, भटक्या जमाती, इतर मागासवर्गीय व विशेष मागास प्रवर्ग या प्रवर्गातील नागरिकांना सरकारी नोकरी, शैक्षणिक, निवडणूक आणि सरकारच्या मागासवर्गीय राखीव ठेवलेल्या अन्य कोणत्याही कामासाठी मागासवर्गीय आरक्षणाचा लाभ घेण्यासाठी जात प्रमाणपत्र, जात वैधता प्रमाणपत्र सादर करणे बंधनकारक आहे. जात प्रमाणपत्र जात वैधता प्रमाणपत्र मिळण्याच्या प्रक्रियेदरम्यान अर्जदारांना कागदपत्राची पूर्तता करण्यास अडचणी येतात. त्यामुळे जात प्रमाणपत्र, जात वैधता प्रमाणपत्र वेळेत मिळण्यास विलंब होतो. त्यामुळे अर्जदारांना अनेक अडचणीचा सामना करावा लागतो. या पाश्नभूमीवर राज्य सरकारच्या 100 दिवसाच्या कृती कार्यक्रमात संगणकीय ऑनलाइन प्रणाली विकसित करण्याचे आदेश देण्यात आले आहेत.या प्रणालीत कृत्रिम बुद्धिमत्ता (एआय) आधारित आधार क्रमांकाचसह एकत्रीकरण असणार आहे. यात नाव, वडील किंवा पतीचे नाव, आधारमध्ये नमूद केलेले मूळ स्थान यासारख्या मूलभूत माहितीची तपासणी होईल आणि कागदपत्राच्या पडताळणीसाठी डीजी लोकर या आपसे एकत्रीकरण (इंटिग्रेशन) असणारा आहे. याबाबत टीसीएसने सादर केलेला प्रस्ताव बार्टीने राज्य सरकारला प्रस्ताव दाखल केला होता या प्रस्तावाला राज्य सरकारने मान्यता दिली आहे.