होलार समाज सामाजिक संस्था महाराष्ट्र राज्य संस्थेची यशस्वी वाटचाल सुरू मागील पाच वर्षात या संख्येने भरीव कार्य केले असून आज होलार समाजाला पडणाऱ्या प्रत्येक प्रश्न सोडवण्यासाठी प्रयत्न करण्याची क्षमता या संस्थेमध्ये निर्माण झालेली आहे. ती वापरून घेण्याची जबाबदारी आपल्या सर्वांची आहे.श्री. नामदेवराव श्रीरंग आयवळे संस्थापक अध्यक्ष यांच्या अथक प्रयत्नाने सातत्याने पाठपुरावा.मा. महासंचालक बार्टी, पुणे यांच्या अध्यक्षतेखाली वंचित घटकातील होलार समाजाच्या विविध मागण्या बाबत. अनेक वेळा बैठका आयोजित करण्यात आल्या व अनेक निवेदन देण्यात आली काही मागण्या त्या मंजूर व्हाव्यात अशी विनंती श्री नामदेवराव आयवळे अध्यक्ष यांनी केली त्यानंतर उपस्थित मान्यवरांनी केलेल्या मागण्यावर मा. महासंचालक यांनी सूचनावर गंभीर्यपूर्वक विचार करून संबंधित विभागांना होलार समाजातील मागण्यांना न्याय मिळवून देण्यास बार्टी कटिबद्ध आहे असे बोलून दाखवले आणि बार्टीने तात्काळ होलार समाजाची दखल घेतली ही अत्यंत चांगली बाब आहे. महाराष्ट्रातील होलार समाजाच्या विकासासाठी बार्टी, पुणे मार्फत एक दिवशीय विशेषत: विभागीय स्तरावरील स्वतंत्रपणे कार्यशाळा घेतल्या जात आहेत.या कार्यशाळेमध्ये उपस्थित प्रशिक्षणार्थी यांना महसूल विभागामार्फत जात प्रमाणपत्र मिळण्यासाठीची प्रक्रिया. अडचणी या विषयावर मार्गदर्शन व जात वैधता पडताळणी प्रमाणपत्रासाठी प्रक्रिया मार्गदर्शन तसेच समाज कल्याण विभागाच्या विविध योजना, स्वयं सहाय्यता युवागट या विषयावर मार्गदर्शन करण्यासाठी विविध संबंधित विभागांना आमंत्रित करण्यात आले आहे तसेच बार्टीमार्फत राबविण्यात येत असलेल्या कौशल्य विकास प्रशिक्षणाबाबत मार्गदर्शन यूपीएससीत वंचित होलार समाजाच्या टक्का वाढावा, स्पर्धा परीक्षा पूर्वप्रशिक्षण योजनामार्फत विविध योजना यशस्वीपणे राबवल्या जात आहेत. यातून केंद्रीय लोकसेवा आयोगाच्या यूपीएससी परीक्षेत होलार विद्यार्थ्यांचा टक्का वाढावा वंचित विद्यार्थ्यांची यशस्वी वाटचाल सुरू व्हावी. यासाठी होलार समाज सामाजिक संस्थेचे प्रामाणिकपणे प्रयत्न करत आहे.