[9/6, 1:45 PM] Namdev Aiwale Pune: *बार्टी व आय.जी.टी.आर मार्फत अनुसूचित जातीतील दहावी,ITI, डिप्लोमा व अभियांत्रिकी (इंजिनीअरिंग) च्या ८५० युवा-युवतींसाठी कौशल्य विकासाचे मोफत निवासी व अनिवासी प्रशिक्षण दि. १५ सप्टेंबर २०२३ पासून सुरू होणार त्यासाठी अर्ज करण्यासाठी अंतिम तारीख ०९/०९/२०२३ आहे* डॉ. बाबासाहेब आंबेडकर संशोधन व प्रशिक्षण संस्थेमार्फत (बार्टी), पुणे व एम. एस. एम. ई. टेक्नॉलॉनजी सेंटर, इंडो जर्मन टुल रूम (आय.जी.टी.आर), औरंगाबाद यांच्या व्दारे अनुसूचित जातीमधील ८५० युवक-युवतींसाठी पुर्णवेळ निवासी व अनिवासी नि:शुल्क कौशल्य विकास कार्यक्रमांतर्गत विविध प्रशिक्षण कार्यक्रमांकरिता विहीत नमुन्यात अर्ज मागविण्यात येत आहे. एकुण १८ प्रशिक्षण कार्यक्रम राबविले जाणार आहेत. सर्व प्रशिक्षण कार्यक्रम हे औरंगाबाद, पुणे, नागपूर, कोल्हापूर आणि वाळुज (औरंगाबाद) या ठिकाणी आयोजित केले आहेत. प्रशिक्षण पुर्णत: नि:शुल्क असुन प्रशिक्षणाचा संपुर्ण खर्च बार्टी, पुणे मार्फत केला जाणार आहे. निवासी प्रशिक्षण फक्त आय.जी.टी.आर. औरंगाबाद या ठिकाणी उपलब्ध असुन संस्थेच्या उर्वरित उपकेंद्रात पुणे, नागपूर, कोल्हापूर आणि वाळुज (औरंगाबाद) या ठिकाणी अनिवासी प्रशिक्षणाची सोय आहे. इच्छुक प्रशिक्षणार्थींच्या प्राप्त अर्जांमधुन निकषांच्या आधारे अर्जाची छाननी करून निवडक उमेदवारांना पात्रता प्रवेश व मुलाखती साठी बोलविण्यात येईल. पात्र उमेदवारांची यादी संकेत स्थळावर प्रसिध्द करण्यात येईल. अपुर्ण अर्ज, मुदतीनंतर आलेले अर्ज विचारात घेतले जाणार नाही. (पात्रता परीक्षा - इंग्रजी, गणित आणि सामान्य ज्ञान याविषयावर आधारित राहील.) *प्रशिक्षण शुल्क :* नि:शुल्क (Free of Cost) *महत्वाचा निकष :-* १.उमेदवार अनुसूचित जाती प्रवर्गातील असावा. २.उमेदवार महाराष्ट्रातील रहिवासी असावा. ३.उमेदवाराचे शिक्षण प्रशिक्षणाकरिता दहावी ते पदवीधर (प्रशिक्षण वर्गाच्या पात्रतेनुसार) ४.वयोगट- १८ ते ३० *महत्वाच्या तारखा :-* १अर्ज स्विकारण्याची अंतिम तारीख - ०९/०९/२०२३ २.पात्रता प्रवेश परीक्षा, कागदपत्रांची पडताळणी व मुलाखत :- १२/०९/२०२३ ३.प्रशिक्षण सुरू होण्याची तारीख :- १५/०९/२०२३ *प्रशिक्षण ठिकाण :-* इंडो जर्मन टूल रूम औरंगाबाद , पुणे, नागपूर,कोल्हापूर आणि वाळुज उपकेंद्रे *रजिस्ट्रेशन लिंक: -* https://rb.gy/7atzg *सविस्तर माहितीसाठी पात्र उमेदवारांनी कृपया बार्टी संस्थेच्या संकेत स्थळाला भेट द्यावी :-* https://barti.in/notice-board.php [9/6, 1:45 PM] Namdev Aiwale Pune: सदरचा कोर्स औरंगाबाद पुणे नागपूर कोल्हापूर आणि वाळूज औरंगाबाद या ठिकाणी आहे तरी सदरचा कोर्स करण्यास कोणी युवक, युवती इच्छुक असतील त्या विद्यार्थी नी 9 सप्टेंबर च्या आत दिलेल्या लिंक वर रजिस्टर करण्यास सांगावे व आपल्या ओळखीच्या विविध ग्रुप वर सदरची माहिती चा प्रचार प्रसार करून जास्तीत जास्त विद्यार्थ्यांना सदरचा कोर्स चा लाभ घेण्यास सांगावे.
Popular Posts
-
-
होलार समाजाच्या सामाजिक, आर्थिक आणि शैक्षणिक प्रगतीसाठी सातत्याने कार्यरत असलेली होलार समाज सामाजिक संस्था, महाराष्ट्र राज्य, ही ISO 9001:2015 आंतरराष्ट्रीय गुणवत्ता व्यवस्थापन प्रणाली मानांकन प्राप्त संस्था असून समाजासाठी आशेचा किरण ठरत आहे. श्री.बबनराव करडे मा. नायब तहसीलदार सातारा तथा संस्थेचे सल्लागार यांच्या सल्ल्याने. अँड.जि.एन.ऐवळे संस्थेचे कायदेतज्ञ सल्लागार यांच्या सहकार्याने. समाजाच्या न्याय-हक्कांसाठी शासन व प्रशासन दरबारी सातत्याने पाठपुरावा करणे, समाजाच्या अडचणी ओळखून वास्तववादी उपक्रम राबवणे, हे या संस्थेचे वैशिष्ट्य असून त्यामुळेच ही संस्था समाजात एकमेव दिशादर्शक म्हणून ओळखली जाते. संस्थेचे संस्थापक अध्यक्ष श्री. नामदेवराव श्रीरंग आयवळे यांनी होलार समाजातील विविध प्रश्नांचे निराकरण करण्यासाठी अथक प्रयत्न केले आहेत. त्यांच्या सातत्यपूर्ण पाठपुराव्यामुळे समाजातील हजारो युवकांना विविध शासकीय योजनांच्या अनुदानित प्रशिक्षणांचा आणि सुविधा योजनांचा मोठ्या प्रमाणात लाभ मिळत असून अनेक कुटुंबांच्या जीवनमानात सकारात्मक बदल घडला आहे. शाहू, फुले, डॉ. बाबासाहेब आंबेडकर तसेच छत्रपती शिवाजी महाराज यांच्या कृतिशील विचारांचा वारसा माझ्या कार्याचा आधार आहे. हा वारसाच मला समाजासाठी काम करण्याची ऊर्जा देतो. लोकांच्या दैनंदिन आयुष्यातील प्रश्न हे माझ्या कामाचे सदैव केंद्रबिंदू राहिले आहेत. समाजातील युवकांना रोजगार उपलब्ध करून देणे, महिलांचे सबलीकरण, जनतेपर्यंत शासकीय सुविधा पोहोचवणे, विकासकामांचा पाठपुरावा करणे, महिलांसाठी बचत गट व व्यवसाय प्रशिक्षण, जात प्रमाणपत्र व जातीवैधता प्रमाणपत्राबाबत मदत, तसेच चुकीच्या नोंदींमुळे येणाऱ्या अडचणी दूर करण्यासाठी मार्गदर्शन — अशा अनेक क्षेत्रांत संस्था सातत्याने कार्यरत आहे. तसेच समाजातील युवक-युवतींना कौशल्यविकास प्रशिक्षण देऊन उद्योग व लघुउद्योग सुरू करण्यास प्रोत्साहन देणे हेही संस्थेचे एक महत्त्वाचे ध्येय आहे. आपल्या सर्वांच्या सहकार्याने हे कार्य करण्याची मला एक संधी मिळत आहे त्याबद्दल सर्वांचे धन्यवाद.
-
